tlhetlh 'uleS QeH

taghDI' jarvam tlhoS rIn DuSaQ'a'wIj ghojmeH poH'a'. qImroqvam tuj tulwI' Hol qep'a' vItoy' 'e' vIHech, Qu' vIpoQmo'. 'a Do'Ha' qep'a'vetlh qIllu'pu'. vaj jarmeyvam veb vay''e' vIDIghnIS. Do' maw'wI' jIH 'ej vaj tlhIngan Hol jInmol law' vIbuSnIS.

vaj Dorpa' jarvam rIn 'uleS QeH, maghpubwIj wa'DIch, vIneH. 'a Do'Ha' ngoQvetlh vIchavbe'. lut vIbuSqu'choH, vISachnISmoH 'e' vItlhoj. wejHa' 155 tenwal vIqonta' 'ej wejHa' bertlham vIghaj 'ach tlhoy nom lut vImuch vIneHbe'. ghItlh nI'qu' qotlh lutwIj 'e' vIDam.

cha'Hu' lutvaD wanI' mIr vIchelchoH 'ej latlh'e' vIchel 'e' vInab je. DaHjaj cha'vatlh mu'mey vIqon 'ach HIqeHqu'Qo'. buD...buDwI'.

chaq Dorpa' qImroq tuj rIn......chaq.

'uleS QeH vIqonbe'taHvIS, DIS 1984 qonta'bogh George Orwell vImughlI'! DIS veb jar 1, lIngmeH DIb Qanbe'choHlu'. jISey.

'ej ghItlhvetlh'e' vImughbe'taHvIS jIlaD! motlh nItebHa' HaStajIH wIbej 'e' wItIv be'nalwI' lIb, jIH je 'a qa'naDa' vI'ellaHbe'taHmo', wIchevlu'taH. vaj jIbel'eghmoHmeH qul, chuch je bopbogh bom'e' lut mIr qonta'bogh ghayrayray martIn vIje'pu'. wa'Hu' vIHev 'ej paq wa'DIch, quS'a' Quj, vIlaDchoH. Dunqu'! vIroQmeH Qatlh Qu'.