top of page
Rechercher
  • Photo du rédacteurDeSDu'
    • 11 nov. 2020
    • 1 min de lecture

qaw lop

jIghItlhqa'! DaHjaj qaS qaw lop. 'amerI'qa' SepjIjQa'Daq jajvamvaD SuvwI' Deq lop ponglu' 'a qa'naDa'Daq jIHtaH 'ej naDev qaw lop 'oH jar 11 jaj 11'e'. chay' mutIwmoH jajvam? qaw lop bopbogh vuDmey law''e' vIghaj. wa': batlh Suvta' 'ej batlh Heghpu' SuvwI'pu' law' 'e' wIqawnIS 'e' vIHar. qaStaHvIS tera' noH'a' cha'DIch DoyIchlan 'omta' 'ej natSIypu'vo' nutoDta' qabDu' law' 'e' wIqawjaj je. 'ach roj muSHa'wI' jIHmo' je, latlh vuD vIbon vIneH: rInjaj Hoch noH. veS wIwoDjaj. Hegh latlh puq poHmey 'e' wIbotjaj. maSuvqa'be'jaj. qatlh Suvta' qabDu' law'? chaq ngay' Suq neH 'op. 'a roj SuqmeH Suvta' HochHom 'e' vIHar. rojvetlh wItIvjaj 'ej jajvam rojvetlh wIleHmeH mavumqu'choHjaj.


9 vues1 commentaire

Posts récents

Voir tout

DaH cha' monmey cho'wI' vIqonchoH. wej paqwIj wa'DIch muchlu' 'e' vISov 'a vIqon vIneHqu'mo' jISey jay'! DaH 'oHvaD ngem mIv'a'mey vIpong 'a tuch chaq latlh pong vImaS; ghaytan ngem veS. ngemDaq qaS l

ramvam maHpIn'a' vI-livetweet. bo'DeghQInpat mab boghajchugh, QIn mIrvam yItlha'bej!: https://twitter.com/desduwIj (malja' much neH vIrIchba'qoch!)

Qapbe'lu'DI', reH wa'leS tu'lu'taH! paQDI'norgh nap 'oH paQDI'norghvam'e' 'ach teH. wa'Hu' jIvumqu' 'ach jIvaQHa' 'e' vIDam. qay''a'? loQ! qay'chu''a'? ghobe'! wa'Hu' bel Qu'mey law' vIDIgh: jIlaD—jIq

bottom of page